លុយក៏ត្រូវគិតមួយសិន មុនចុចទិញ មុនខ្ចី និងមុនជឿ Promotion

ប្រាក់ខែចូលមកម្តងក្នុងមួយខែ តែចំណាយចេញរាល់ថ្ងៃ។ ការយល់ពីលំហូរលុយចូល និងលុយចេញ ជួយឲ្យយើងមិនសួរខ្លួនឯងរាល់ចុងខែថា “លុយទៅណាអស់?”

ការគ្រប់គ្រងប្រាក់ខែមិនចាំបាច់ចាប់ផ្តើមពីរូបមន្តធំៗទេ។ ចាប់ផ្តើមពីការកត់ថា លុយចូលប៉ុន្មាន ចេញទៅណា និងចំណាយណាដែលអាចកាត់បន្ថយបាន។

Emergency fund មិនមែនសម្រាប់អ្នកមានប៉ុណ្ណោះទេ។ វាជាលុយតូចៗដែលយើងដាក់សម្រាប់ថ្ងៃដែលជីវិតសាកល្បងយើង ដូចជា ឈឺ, បាត់ការងារ, ឧបករណ៍ខូច ឬមានការចំណាយបន្ទាន់។

ចាប់ផ្តើមតិចក៏ប្រសើរជាងមិនចាប់ផ្តើមសោះ។ សំខាន់គឺបង្កើតទម្លាប់សន្សំ មិនមែនរង់ចាំមានលុយច្រើនសិនទើបចាប់ផ្តើម។

ការខ្ចីលុយមិនអាក្រក់ជានិច្ចទេ ប៉ុន្តែការខ្ចីដោយមិនយល់លក្ខខណ្ឌ អាចបង្កើតបញ្ហាធំ។ មុនខ្ចី គួរយល់ពីចំនួនត្រូវសង, អត្រាការប្រាក់, ថ្ងៃសង, ពិន័យ និងហេតុផលពិតដែលយើងខ្ចី។

មុនចុះហត្ថលេខា ឬយល់ព្រមលើកម្ចីណាមួយ សូមអានលក្ខខណ្ឌឲ្យច្បាស់ សួរបុគ្គលិកពាក់ព័ន្ធ និងគិតថា តើចំណូលរបស់យើងអាចទ្រាំការសងបានទេ។

QR payment ងាយ និងស្រួលណាស់។ តែពេលលុយចេញងាយពេក យើងក៏អាចភ្លេចតាមដានចំណាយបានដែរ។ លុយតូចៗចេញញឹកញាប់ អាចក្លាយជាចំនួនធំនៅចុងខែ។

ការបង់ប្រាក់តាម digital payment គួរតែមានសតិ៖ ពិនិត្យឈ្មោះអ្នកទទួល, ចំនួនលុយ, screenshot បញ្ជាក់ និងកុំប្រញាប់ scan ឬ transfer ពេលមិនប្រាកដ។

អ្នកលក់ online គួរបំបែកលុយហាង និងលុយផ្ទាល់ខ្លួនឲ្យច្បាស់។ បើលុយទាំងពីរលាយគ្នា ម្ចាស់ហាងអាចមិនដឹងថាខ្លួនឯងកំពុងចំណេញ ឬគ្រាន់តែរវល់។

ចំណុចសាមញ្ញៗដូចជា កត់ order, កត់ថ្លៃដើម, កត់ចំណាយ delivery, កត់ stock និងកត់ប្រាក់ចំណេញ អាចជួយឲ្យអាជីវកម្មតូចមើលឃើញសុខភាពរបស់ខ្លួន។

អត្ថបទក្នុង “លុយមួយសិន” សម្រាប់ការយល់ដឹងទូទៅប៉ុណ្ណោះ មិនមែនជាដំបូន្មានហិរញ្ញវត្ថុផ្ទាល់ខ្លួនទេ។

មុនសម្រេចចិត្តខ្ចី សន្សំ វិនិយោគ ឬប្រើសេវាហិរញ្ញវត្ថុណាមួយ សូមពិនិត្យលក្ខខណ្ឌផ្លូវការ និងសួរអ្នកជំនាញ ឬស្ថាប័នពាក់ព័ន្ធ។